LALA 67
“Shiɛmɔ Wiemɔ Lɛ”
-
1. Nyɔŋmɔ efã wɔ fɛɛ ŋmɛnɛ;
Ekɛ nitsumɔ ko ewo wɔdɛŋ.
Be fɛɛ be lɛ, kɛɛmɔ mɛi akɛ:
‘Etsɛŋ, Nyɔŋmɔ baahã wɔhi shi daa.’
(NƆHEREMƆ)
Shiɛmɔ wiemɔ;
Hã gbɔmɛi fɛɛ kwa anu!
Shiɛmɔ daa,
Je nɛɛ naagbee ebɛŋkɛ.
Shiɛmɔ daa,
Wa mɛi ni sumɔɔ Nyɔŋmɔ.
Shiɛmɔ daa
Yɛ he fɛɛ he.
-
2. Wɔkɛ jaramɔ bei baakpe;
Wɔhenyɛlɔi baagbe wɔhe guɔ waa.
Tsɛ amɛbuŋ sane ni wɔshiɛɔ,
Shi Yehowa nɔ wɔkɛ wɔhiɛ fɔ̃ɔ.
(NƆHEREMƆ)
Shiɛmɔ wiemɔ;
Hã gbɔmɛi fɛɛ kwa anu!
Shiɛmɔ daa,
Je nɛɛ naagbee ebɛŋkɛ.
Shiɛmɔ daa,
Wa mɛi ni sumɔɔ Nyɔŋmɔ.
Shiɛmɔ daa
Yɛ he fɛɛ he.
-
3. Bei komɛi, abaabo wɔ toi;
Wɔkɛ be kpakpa nɛɛ tsuɔ nii jogbaŋŋ.
Wɔshiɛɔ yiwalaheremɔ gbɛ;
Wɔshiɛɔ kɛtseɔ Yehowa gbɛ́i lɛ he.
(NƆHEREMƆ)
Shiɛmɔ wiemɔ;
Hã gbɔmɛi fɛɛ kwa anu!
Shiɛmɔ daa,
Je nɛɛ naagbee ebɛŋkɛ.
Shiɛmɔ daa,
Wa mɛi ni sumɔɔ Nyɔŋmɔ.
Shiɛmɔ daa
Yɛ he fɛɛ he.
(Kwɛmɔ Mat. 10:7; 24:14; Bɔf. 10:42; 1 Pet. 3:15 lɛ hu.)
