ZAJ NKAUJ 71
Peb Yog Vajtswv Cov Tibneeg
(Efexus 6:11-14)
-
1. Peb yog Vajtswv cov timkhawv,
Sib koom siab tshaj tawm.
Peb zoo yam li pab tub rog,
Yexus yog tus thawj coj.
Vajtswv pub peb muaj zog heev,
Ntxwg Nyoog kov tsis yeej.
Peb tawm mus nrhiav txhua leej,
Los ua Vajtswv neeg.
(TXAIS)
Peb yog Vajtswv cov timkhawv,
Nrog Yexus tshaj tawm,
Peb mus qhia rau txhua qhov,
Kom tuaj Vajtswv tog.
-
2. Peb yog Vajtswv cov tibneeg,
Mus nrhiav cov xav ntseeg,
Vim tej tug yaj tau yuam kev,
Thiaj tsis pom qab los tsev.
Thaum peb mus tshaj txoj moo zoo,
Lawv yuav tig los mloog,
Yog lawv tuaj kev sib txoos,
Lawv yuav tau koob hmoov.
(TXAIS)
Peb yog Vajtswv cov timkhawv,
Nrog Yexus tshaj tawm,
Peb mus qhia rau txhua qhov,
Kom tuaj Vajtswv tog.
-
3. Peb yog Vajtswv cov timkhawv,
Npaj siab mus tshaj tawm,
Thaum tswv Yexus ua ntej mus,
Peb yuav lawv qab txhua tus.
Vajtswv Txojlus twb qhia tseg,
Kom peb ua neeg ntse,
Yog muaj tej yam cuab peb,
Yuav tau txav kom deb.
(TXAIS)
Peb yog Vajtswv cov timkhawv,
Nrog Yexus tshaj tawm,
Peb mus qhia rau txhua qhov,
Kom tuaj Vajtswv tog.
