SANG 71
Wi A Suoja Iina Jeuova Aami!
-
1. Iina Jeuova aami,
Mi an yu a sorv.
Wi a im fietful suoja.
Wi a tiich wid im Word.
Wen wi priich, no mata uu
Chrai fi fait gens wi,
Wi shuo se wi waahn bi
Paat a Gad aami.
(KUOROS)
Iina Jeuova aami,
Wi difen di chuut.
Krais a wi Komaanda,
An a im a ruul.
-
2. Kom, mek wi gwaan go sorch an
Fain Jeuova shiip,
Piipl uu waahn fi sorv im
Bot no nuo ou fi dwi’it.
Wan ar tuu taim no inof
Fi wi kaal pan dem.
It tek taim fi elp dem
Ton Jeuova fren.
(KUOROS)
Iina Jeuova aami,
Wi difen di chuut.
Krais a wi Komaanda,
An a im a ruul.
-
3. Put aan yu aami kluoz dem
Fi protek yuself
Fram aal a Sietan chrik dem.
Wier yu ‘elmit’ an ‘ves’!
Wen di Devl waar gens wi,
Wi a tan op chrang.
Wi a-go mek shuor se
Wi no jrap wi an.
(KUOROS)
Iina Jeuova aami,
Wi difen di chuut.
Krais a wi Komaanda,
An a im a ruul.
