71-QO‘SHIQ
Biz Yahovaning lashkarimiz!
-
1. Rab Yahova — Sardordir,
Biz esa — lashkar.
Yov-dushmanni yenggaymiz,
Jam bo‘lib har safar.
Va’z qilgaymiz shaxt ila
Har turli yerda
Va jasur turgaymiz
Har qanday damda.
(NAQAROT)
O‘z xalqiga bosh-qoshdir
Rab O‘g‘li birla.
«Shoh bo‘ldi Masih»,— deb,
Jar soling elga.
-
2. Biz izlaymiz jon-jahd-la
Sof qalbni har vaqt,
Baxsh etamiz astoydil
Xor-zorga muhabbat.
Rab Yahga chorlab uni
Va berib ta’lim,
Tanlasin deymiz u
Haq Tangri yo‘lin.
(NAQAROT)
O‘z xalqiga bosh-qoshdir
Rab O‘g‘li birla.
«Shoh bo‘ldi Masih»,— deb,
Jar soling elga.
-
3. Rab Yahova — Sardordir,
Biz esa — qo‘shin.
Jang uchun saf tortgaymiz
Va bo‘lgaymiz metin.
Gar bedor va pok qolsak
Har kun, har onda,
Haq yo‘lda turgaymiz
Doimo shunda.
(NAQAROT)
O‘z xalqiga bosh-qoshdir
Rab O‘g‘li birla.
«Shoh bo‘ldi Masih»,— deb,
Jar soling elga.
(Shuningdek, Efes. 6:11, 14; Filip. 1:7; Filim. 2 ga qarang.)