NYIMBO 72
Kudziwisa Undimomwene wa Umambo
-
1. Ife tikhali n’cidima,
Tikhasowa cakucita.
Yahova atumiza
Ceza ca undimomwene.
Cincino tisakwanisa
Kulambira Baba wathu.
Tisafuna phedzera
Kuceneswa kwa dzina ya M’lungu.
Tiende kamwaza mphangwa
M’manyumba na mu miseu.
Tiphedze anthu adziwe
M’lungu adatisudzula.
Tiwangisire kuphedza
Anthu alambire M’lungu.
Ife tisafunika
Kumwaza mphangwa mpaka kunkhomo.
(Onanimbo Yos. 9:9; Iza. 24:15; Jwau 8:12, 32.)