АШӘА 75
«Абар, сахьыҟоу! Сышьҭы сара!»
(Исаиа 6:8)
-
1. Иахьа идыршоит ацәгьара
Иегова ихьыӡ лазырҟәуа.
Ирҳәоит: «Уи дхьысҳауп, дыџьбароуп»,
«Нцәа дыҟам!» — ҿызҭуа гаӡақәоуп.
Нас, дарбан Ихьыӡ зыхьчарыз?
Иӡырзгарыз, изыԥшьарыз?
АХАПА 1
«Абар, сара сышьҭы, Сынцәа.
Сацәымшәап Ухьыӡ аҳәара.
Закәытә ҳаҭырузеи уи, Сынцәа!
Нас, сыхиоуп, сышьҭы сара».
-
2. Шьоукы Анцәа зынӡа ицәшәом,
Дара ирҳәоит: «Уи дыццакӡом».
Ахаҳәлых деихырхәоит аӡәы,
Акесар иқәгәыӷуеит џьоукы.
Рус шиӡбо дарбан изҳәарыз,
Дышрабашьуагьы зыцҳарыз?
АХАПА 2
«Абар, сара сышьҭы, Сынцәа.
Ирысҭап зегь агәҽанҵара.
Закәытә ҳаҭырузеи уи, Сынцәа!
Нас, сыхиоуп, сышьҭы сара».
-
3. Ауаа ҟәымшәышәқәа ус рымҳәои:
«Ҳа ҳадгьыл ацәгьа ахаԥеит».
Ишԥалшо Ҳаб иҩызцәахарц,
Аҭынчра ргәаҵаҿ идырҳарц?
Дызусҭада урҭ ргәы ҟазҵо?
Аиашара мҩагьы дзырбо?
АХАПА 3
«Абар, сара сышьҭы, Сынцәа.
Саҟәыҵуам Уажәа дырҵара.
Закәытә ҳаҭырузеи уи, Сынцәа!
Нас, сыхиоуп, сышьҭы сара».
(Уахәаԥш иара убас Аԥсал. 10:4; Иез. 9:4.)
