HIÉMBI 75
“Me nunu! Om me!”
-
1. Len bôt ba ñôbôs jôl li Djob;
Homa nyensô ba nhindis jo.
Mut ndok nye Nyambe a ñoo bés.
Inyu jôñ mut, Djob a ta bé.
Njee a ga ke pubus jôl jé,
Ni tôp bibégés inyu yé?
(NDIIMBA 1)
‘A Nwet, om me! A Nwet, om me!
Ni ñem wem, me ga bégés we.
Kinje minsima, a Yéhôva!
Me nunu! Om me, a Ta!’
-
2. Bôt ba nkal le Djob a ntiñha;
Woñi u Djob u yé bo haa.
Bana, Ngomin nyen ba mbégés;
Bape bo: “Sat i yé djob jés.”
Njee a nkal bo mam ma yé ’lo,
Le ngwa Nyambe u gwé ni moo?
(NDIIMBA 2)
‘A Nwet, om me! A Nwet, om me!
Ngi woñi, bôt me ga béhe.
Kinje minsima, a Yéhôva!
Me nunu! Om me, a Ta!’
-
3. Bôt ba suhulnyu ba nsiida
Inyule béba i nlôôha.
Miñem nwap mi nyéñ toi hémle
Maliga, nsañ, lôñni hogbe.
Njee a neebe i lédés bo,
Lipém li Djob, i añle bo?
(NDIIMBA 3)
‘A Nwet, om me! A Nwet, om me!
M’a yoñ ngéda, le ba yi we.
Kinje minsima, a Yéhôva!
Me nunu! Om me, a Ta!’
(Béñge yak Tjé. 10:4; Ezék. 9:4.)
