ULWIMBO 75
“E po Ndi! Ntumeni”
-
1. Abantu balapontela
Ishina ilya kwa Lesa.
Batila takwata maka,
Bambi batila tabako.
Nani akasambilisha
Abantu pali Yehova?
(KORASI 1)
‘Ntumeni mwe Lesa wandi!
Nkalumbanye shina lyenu.
Kutumwa na imwe lipaalo.
Mwe Yehova ntumeni!’
-
2. Babifi tabamutiina,
Batila alakokola.
Bamo bapepe filubi;
Bambi bapepo buteko.
Nani akasoka babi
Pa lwa nkondo ya kwa Lesa?
(KORASI 2)
‘Ntumeni mwe Lesa wandi!
Nkayabasoka bonse fye.
Kutumwa na imwe lipaalo.
Mwe Yehova ntumeni!’
-
3. Abafuuka balaloosha,
Pantu ububi bwafula.
Bafwayafwaya icine
Icingabasansamusha.
Nani ’kabasansamusha,
Basange ubulungami?
(KORASI 3)
‘Ntumeni mwe Lesa wandi!
Nkabasambilishe cine.
Kutumwa na imwe lipaalo.
Mwe Yehova ntumeni!’
(Moneni na Amalu. 10:4; Esek. 9:4.)
