UREMU 75
Anahán, óunahabana!
(Isaíasi 6:8)
-
1. Wuribati hadüga ha
menebenehabubaña
lun liri Wáguchi Heowá,
hariñaga furunde lan.
Ka ánhabei lun lounahóun
aganbagüdei niri houn?
(LEYA ÁGUYUGUAGÜDÜWABEI 1)
Anaha, ounahóuana
ariñagei houn buidu ban.
Gebegiti uganu le nun!
Ounahóuana, Heowá.
-
2. Iyereeguti Bungiu houn
saragu lánigu ubóu,
añahein aba híchugun
inebesei houn búngiugu.
Ka ánhabei lanügüni
uganu luagu nuéyuri?
(LEYA ÁGUYUGUAGÜDÜWABEI 2)
Anaha, ounahóuana,
ariñagei gabafu ban.
Gebegiti uganu le nun!
Ounahóuana, Heowá.
-
3. Anihein dan habuinchagun
gürigia lau lamiselu,
memeniha hanigi lun
lagumuchun igarigu.
Ka ánhabei lun líchugun
gurasu houn sun nánigu?
(LEYA ÁGUYUGUAGÜDÜWABEI 3)
Anaha, ounahóuana
arufudei richagua ban.
Gebegiti uganu le nun!
Ounahóuana, Heowá.
(Ariha huméi giñe Sal. 10:4; Ese. 9:4).
