MWASO 75
“Yami Uno; Ngutume”
(Izaia 6:8)
-
1. Jina lia Zambi lisandu
Kanalisaula chinji.
Amwe ngwo Zambi kalela.
Yihepuke ngwo keshi ko.
Mba jina lia Zambi yetu
Iya mba malipemesa?
(KORO 1)
‘Mwata, tuma kama yami!
Ngwimbe ni kukuhalisa.
Achi chili kuyuka chinji.
Zambi ngutume yami!’
-
2. Atu waze keshi woma
Ngwo Zambi kanalaluka.
Amwe kawayila mawe.
Eka zambi yo Sesare.
Iya mambulwila atu
Ya ufwatulo wa Zambi?
(KORO 2)
‘Mwata, tuma kama yami!
Nguye ni kwakanyamisa.
Achi chili kuyuka chinji.
Zambi ngutume yami!’
-
3. Yimbovu kali ni lamba
Mumu upi woka chinji.
Kanafupu maliji je,
Hanga ahwime ku mbunge.
Iya maalembejeka,
Awane umwenemwene?
(KORO 3)
‘Mwata, tuma kama yami!
Nguye hanga ngwalongese.
Achi chili kuyuka chinji.
Zambi ngutume yami!’
(Tala nawa Sam 10:4; Eze 9:4.)
