ˈˈTAN 75
Man ˈnën ˈa yö. ˗Bhö n bɔ!
(Isaïe 6:8)
-
1. ꞊Dɛɛ, mɛn ˗nu ˗wa ˗dhii ˗ya ˗Zlan ˗bha.
˗Wa ˈtɔ ˗shiö ˗dhɛ ꞊gban ˈgü ˈˈkpɔnŋ ꞊taa.
˗Wo ˈwɔn yaa ˗nu ꞊gban ˗dɔ ˗a ˗bha,
ˈÖ ˈˈblɔɔnmɛn ˗nu ˗wa pö ˈyaa ˈdhö.
ˈDe ˗dho Zoova ˗Zlan ˈtɔ ˗së bhɔ
ˈˈKpɔnŋ ꞊taa kö ˈmɛn ˈö˗ ˈka ˗wa dɔ?
(˗A ˈKUN ˗KƆ 1)
«N Dë ˈman n ˗de nu ü ˗dhɛ,
Kö ˈa kë ü ˗dhɔkëmɛn ˈka.
꞊Bhlëëwɔn ꞊va ˗mü n ˗gɔ Zoova.
˗Yö ˗dhi n ˗dhɛ, ˗bhö n bɔ!»
-
2. ˈˈKpɔnŋtaamɛn ꞊vadhɛ ˗Zlan ꞊bhlëë ˗shiö,
ˈÖ ˈwo˗ pö ˗a ˗bha ˈwɔn ˗yö ˗saa.
˗An ꞊vadhɛ ˗wo Sezaa ˗dhɔkë,
Ɛɛnˈˈ ˈwo ˗klu ꞊geebɔga ˗nu ˗bha.
ˈDe ˗dho ꞊sɔnŋyaamɛn ˗nu ˗zokpɔɔ,
˗Zlan ˗bha ˗gblü bhë ˗a ˗nu ˗wɔn ˈka?
(˗A ˈKUN ˗KƆ 2)
«N Dë ˈman n ˗de nu ü ˗dhɛ.
˗An ˗zokpɔɔ ˗sü ꞊faan ˗yö n ˗gɔ.
꞊Bhlëëwɔn ꞊va ˗mü n ˗gɔ Zoova.
˗Yö ˗dhi n ˗dhɛ, ˗bhö n bɔ!»
-
3. ˈˈKpɔnŋtaadhɛ ˗ya pa ˈwɔn yaa ˈka.
Zuʋ̈sëmɛn ˗nu ˈˈklʋʋ bhɔ ˗ni ˈgü.
˗An ˗bhawɔn ˗yö ˗Zlan ˈˈDhiwo ˗bha,
Kö zuʋ̈saadhɛ ˗yö kë ˗an ˗gɔ.
ˈDe ˗dho ö ˗de nu kö ˗yö ˈdho
˗Zlan ˗bha nɔɔn˗ ˗së ˗nu pö ˗an ˗dhɛ?
(˗A ˈKUN ˗KƆ 3)
«N Dë ˈman n ˗de nu ü ˗dhɛ,
Kö ˈa ˗an ꞊klaŋkë ü ˗Wo ˈka.
꞊Bhlëëwɔn ꞊va ˗mü n ˗gɔ Zoova.
˗Yö ˗dhi n ˗dhɛ, ˗bhö n bɔ!»
(Kpɔɔˈˈ Ps. 10:4; Ézéch. 9:4 ˗bha.)