SỌ́L EA GÃ́BUG DÚ 75
“Nee Ndaí! Lẹ̀ẹ̀là M̄!”
(Àìzáíà 6:8)
-
1. Gbò nen nveemá lẹ́ béè Bàrì,
Bà on vaá lọ̀l ka ló Bàrì.
Sìgà gbò mangã̀ kọ À ọọ;
Vaá gbò ból kọ́ọ̀: “Bàrì á gé.”
Mée é sí lẹ̀ẹ̀la tóm-í ẽ́,
Vulí A lèèlà nè va ẹ́?
(GE KŨUNE MON ZÌGÀ 1)
Tẹ̀ lẹ̀ẹ̀là m siimá! siimá!
Ge vulí O lèèlà nè va.
Náa í-é dọ̀ ka e a el níí.
Nà Tẹ̀ lẹ̀ẹ̀là m siimá!
-
2. Gbò nen amà sàn kpóó Bàrì;
Vaá fã̀ nú e nen náàmà bá.
Bà náa síí-á pọ̀ ló Bàrì;
Tãa vó, bà tú nen kààmà ka.
Gbò pọ́lọ́ é dã́ lọl ãà-e,
Kọọ̀ bé Bàrì di deè sĩ́ ẽ́?
(GE KŨUNE MON ZÌGÀ 2)
Tẹ̀ lẹ̀ẹ̀là m siimá! siimá!
M̀ gbĩ́ì ge ãané va nè ni.
Náa í-é dọ̀ ka e a el níí.
Nà Tẹ̀ lẹ̀ẹ̀là m siimá
-
3. Gbò sàn gé tó-tó vaá bã̀àgã̀
Boo béè kọọ̀ pọ́lọ́ kpáá zoogá.
È fáàlà kà kà gbĩimá va
Kọbé ba nyíe gbóó láá dĩ̀ìnà.
Mée é láá bũ̀ùnà gbò sàn ẽ,
Kọbé ba nyíe láá dĩ̀ìnà ẽ?
(GE KŨUNE MON ZÌGÀ 3)
Tẹ̀ lẹ̀ẹ̀là m siimá! siimá!
Ge ló bel dĩ̀ìnè ló nè va.
Náa í-é dọ̀ ka e a el níí.
Nà Tẹ̀ lẹ̀ẹ̀là m siimá!
(Ẹ̀b nàgé Ps. 10:4; Èzí. 9:4.)
