AMBAHANON 75
“Yari Ako! Ipadala Ako!”
-
1. Si Jehova ginyaguta,
Ginpakahuy-an ngalan n’ya.
Ang Dios kuno mapintas man,
“Wa’y Dios” ang singgit sang iban.
Sin-o iya ipadala,
Sa pagdayaw sang ngalan n’ya?
(KORO 1)
‘Yari ako! Ipadala!
Akon gid nga dayawon ka.
Kadungganan gid O Jehova,
Nga ipakilala ka.’
-
2. Ang Dios kuno mahinay man;
Indi sia pagkahadlukan.
Gani bato ginaludhan,
Ang Cesar ang dios sang iban.
Sin-o ang magapaandam,
Sang kalaglagan sa unhan?
(KORO 2)
‘Yari ako! Ipadala!
Magapaandam sa ila.
Kadungganan gid O Jehova,
Nga ipakilala ka.’
-
3. Ang mahagop nasubuan
Sa tuman nga kalautan.
Luyag nila nga masapwan
Matuod nga kaumpawan.
Sin-o ang magapaumpaw,
Sa tawo nga nagalalaw?
(KORO 3)
‘Yari ako! Ipadala!
Magapaumpaw sa ila.
Kadungganan gid O Jehova,
Nga ipakilala ka.’
(Tan-awa man ang Sal. 10:4; Ezeq. 9:4.)
