LAGU 75
‘Aku Deka! Kirum meh Aku!’
(Isaiah 6:8)
-
1. Nama Jehovah dibenchi
Mayuh begedika Iya.
Bisi nyebut Iya jai
Bisi ngumbai Iya lemi.
Sapa deka muji Iya?
Lalu nyukung nama Iya?
(KORUS 1)
‘Aku deka! Kirum meh ku!
Aku deka meri puji.
Jah, tu endang basa ti besai.
Ku deka! Kirum meh ku!’
-
2. Mayuh orang nadai basa
Ngau ngumbai Petara lubah.
Sida nyembah engkeramba
Ngau arapka pemerintah.
Sapa deka meri pesan?
Madah pasal Armagedon?
(KORUS 2)
‘Aku deka! Kirum meh ku!
Aku enda rawan madah.
Jah, tu endang basa ti besai.
Ku deka! Kirum meh ku!’
-
3. Orang manah tusah ati,
Ketegal penyai nyadi
Ngau bebendar sida ngiga
Pemendar ti ngemuaska.
Sapa meri pengelantang?
Lalu ngajarka pemendar?
(KORUS 3)
‘Aku deka! Kirum meh ku!
Aku liat ati ngajar.
Jah, tu endang basa ti besai.
Ku deka! Kirum meh ku!’
(Peda mega Mas. 10:4; Esk. 9:4.)