KANTA 75
“Adtoyak! Ibaonnak!”
-
1. Adut’ manguy-uyaw ita
Iti nagan ni Jehova.
Awan kano ti asina.
“Awan Dios,” kunat’ dadduma.
Sinot’ mangipakaammo
No ania ti kinapudno?
(KORO 1)
‘O adtoyak! Ibaonnak!
Kinatan-okmot’ ikantak.
Awanen dakdakkel a dayaw.
O Apo, ibaonnak!’
-
2. Um-umsienda ni Jehova;
Awan butengda kenkuana.
Bato ti pagruknoyanda;
Adda pay Cesar ti diosna.
Sino ti mangikasaba
’Yaay ti dakkel a gubat?
(KORO 2)
‘O adtoyak! Ibaonnak!
Pakdaarmo ket ibagak.
Awanen dakdakkel a dayaw.
O Apo, ibaonnak!’
-
3. Adu ti madagdagsenan
Ta dakes nasaknap itan.
Kinapudnot’ sapulenda
A mangyeg rag-o ken talna.
Sino ti mangted liwliwa,
Tumulong iti naemma?
(KORO 3)
‘O adtoyak! Ibaonnak!
Ti naemma ket tulongak.
Awanen dakdakkel a dayaw.
O Apo, ibaonnak!’
(Kitaem met ti Sal. 10:4; Ezek. 9:4.)
