1. Menn smána nafn Guðs opinskátt

og efast um hans mikla mátt.

Menn segja’ að hann sé grimmur Guð,

hann er ei til í heimskra hug.

Hver mikla vill Guðs helga nafn

því enginn til er honum jafn?

2. Oft eru menn sem harður leir

og guðsótta þá hafna þeir.

Þeir treysta því sem augun sjá

og Sesar guð er sumum hjá.

Hver varar við þá vondu menn

að lokastríð Guðs komi senn?

3. Þeir andvarpa sem finna’ og sjá

að illskan magnast jörðu á,

með hreinu hjarta leita þó

að sannleika og hugarró.

Hver huggar þá og hjálpar þeim

að eignast von um nýjan heim?