NKUNGA 75
“Mono Yandi Yai, Tinda Mono!”
-
1. Bubu bantu ke finga mpi
Ke vweza zina’a Yehowa.
Bo ke tuba yandi ke nku
Bankaka nde ‘Nzambi ke ve.’
Nani ta kumisa yandi?
Sambu bantu yonso kuwa?
(REFRAIN 1)
‘Mu yandi yayi tinda mu!
Mu ta yimbila nge Mfumu.
Yo ke lukumu sa na munu
Mu’andi yayi tinda mu!’
-
2. Bantu mingi ke tuba nde
Yehowa ke sukinina.
Bo ke sambila biteki;
Mpi nzambi na bo Kaisali.
Nani ta songa bantu’a mbi
Mambu yina ta bwila bo?
(REFRAIN 2)
‘Mu yandi yayi tinda mu!
Mu ta kebisa bo yonso.
Yo kele kibeni lukumu
Mu’andi yayi tinda mu!’
-
3. Bantu’a mbote ke niokwama
Sa mambi ke kuma mingi.
Bo ke sosa na masonga
Kuzwa kieleka mpi ngemba.
Nani ta pesa bo ngolo?
Sambu bo sosa lunungu?
(REFRAIN 3)
‘Mu yandi yayi tinda mu!
Mu ta kwenda kulonga bo.
Yo kele kibeni lukumu
Mu’andi yayi tinda mu!’