LWIMBO 75
“Ami Uno! Ntume!”
-
1. Dyalelo bantu batuka
Leza ne dyandi dijina.
Bamo’mba Leza waije,
Bakwabo’mba: ‘Kutupu’ye!’
Ani ukamupa ntumbo,
Amwimbile mitendelo?
(KITUNDAIJO 1)
‘Mfumwami ndi pano, ntume!
Nkakwimbile ntumbo nyeke.
Bine, dino shadyo dyo dyese!
E! Ami uno! Ntume!’
-
2. Bantu bapunika Leza
Amba: ‘Walengwe, wakōka.’
Bangi batōta bankishi;
Kesala ye ke mwendeji.
Ani ukebadyumuna
Amba pano ke divita?
(KITUNDAIJO 2)
‘Mfumwami ndi pano, ntume!
Babi bonso nkadyumune.
Bine, dino shadyo dyo dyese!
E! Ami uno! Ntume!’
-
3. Dyalelo bantu babinza
Mwanda bubi bubavula.
Bakimbakimba boloke,
Bubine buleta ndoe.
Ani le ukebakwasha,
Ukebasenga badila?
(KITUNDAIJO 3)
‘Mfumwami ndi pano, ntume!
Nkebafundija ntūkije.
Bine, dino shadyo dyo dyese!
E! Ami uno! Ntume!’
(Tala ne Ñim. 10:4; Ezk. 9:4.)