GĦANJA 75
‘Hawn jien! Lest biex immur!’
-
1. In-nies qed jitfgħu kull tmaqdir
Fuq l-isem t’Alla li hu kbir.
Kull iblah ipinġih kattiv,
Jgħid li Jah dgħajjef, mhux attiv.
Min sejjer jagħti ’l ismu ġieħ?
Min kant glorjuż lilu joffrih?
(L-1 RITORNELL)
‘Hawn jien, Mulej! Lest biex immur.
Minn qalbi jien ngħannilek żgur.
Unur mʼhemmx akbar minn dan, naf ċert.
Jiena hawn! Lest biex immur!’
-
2. Isostnu wħud li Alla trux;
Il-biżaʼ t’Alla ma jafux.
Xi nies imilu lejn xbihat;
Oħrajn iqimu lill-istat.
Min sejjer jgħid lill-ħżiena x’ġej?
Dwar jum il-gwerra tal-Mulej?
(IT-2 RITORNELL)
‘Hawn jien Mulej! Lest biex immur.
Twissija nxandar bil-fervur.
Unur mʼhemmx akbar minn dan, naf ċert.
Jiena hawn! Lest biex immur!’
-
3. Jitnikktu ferm l-uħud ġwejdin.
Il-ħżiena joktru wisq qegħdin.
Minn qalb sinċiera jfittxu lkoll
Triq Alla li ġġib paċi wkoll.
Min se jġib faraġ lill-ġwejdin?
U jgħin f’li jsiru lkoll twajbin?
(IT-3 RITORNELL)
‘Hawn jien Mulej! Lest biex immur.
Ngħin lil dak umli lejk idur.
Unur mʼhemmx akbar minn dan, naf ċert.
Jiena hawn! Lest biex immur!’
(Ara wkoll Salm 10:4; Eżek. 9:4.)
