SONG 75
“Do Binn Ich! Shikk Mich!”
-
1. Dayl leit gevva nix drumm veyyich Gott,
un sawwa’s Eah kenn nohma hott.
Dayl leit mayna Gott gebt nix drumm.
Un “Sis kenn Gott,” so sawwa samm.
Veah vill Jehova uf sei seit?
Veah singt fa Een zu awl di leit?
(CHORUS 1)
‘Hah, do binn ich! Shikk mich, shikk mich!
Ich sing so faythfeli fa dich.
Nix bessah’s kend ich du fa dich, Hah.
Do binn ich! Shikk mich, shikk mich!’
-
2. Dayl leit mayna’s Gott langsam is.
Dayl vella du vass evil is.
Dayl deena falshi geddah aw.
Dayl doon mensha fannich da Hah.
Veah sawkt di leit vass haebna zayld?
Veah warned si eb’s end funn di veld?
(CHORUS 2)
‘Hah, do binn ich! Shikk mich, shikk mich!
Ich warn awl mensha nau fa dich.
Nix bessah’s kend ich du fa dich, Hah.
Do binn ich! Shikk mich, shikk mich!’
-
3. Dayl leit sayna vi shlimm es’s is.
Si vella ebbes bessah’s dess.
Si gukka fa di voahret nau,
un’s gebt si peace in iahra hatz.
Veah gayt mitt kamfirt zu dee leit?
Veah zayld si helfa lanna heit?
(CHORUS 3)
‘Hah, do binn ich! Shikk mich, shikk mich!
Ich lann di leit so geahn veyyich dich.
Nix bessah’s kend ich du fa dich, Hah.
Do binn ich! Shikk mich, shikk mich!’
(Gukket aw Psalm 10:4; Ezekiel 9:4.)
