LEET 75
“Ekj sie hia! Schekj mie!”
(Jesaja 6:8)
-
1. Vondoag woat Gott sien Nom’ vespott.
De Stolte meen’, doa es kjeen Gott.
Waut sajen, Gott es ojjerajcht
un daut hee bloos kjeen Metleet haft.
Wäa jeit un loft sien’ grooten Nom’?
Wäa halpt de Menschen to veston’?
(1. KUA)
“Har, ekj sie hia! Schekj mie, schekj mie!
Ver aule Menschen low ekj die.
Daut es de jratste Iea fa mie, Har!
Ekj sie hia! Schekj mie, schekj mie!”
-
2. Väl Menschen doon’ sikj ajcht un fromm
un jäwen doch om Gott nuscht rom.
Noch aundre doon’ äa Launt veier’n
un Jetta, waut kjeen’ Finja rier’n.
Wäa sajcht to soone: “Doot daut nich!”?
Wäa woarnt fa Gott sien’ grooten Kjrich?
(2. KUA)
“Har, ekj sie hia! Schekj mie, schekj mie!
Ekj woa de Menschen woarn’ fa die.
Daut es de jratste Iea fa mie, Har!
Ekj sie hia! Schekj mie, schekj mie!”
-
3. De Goode es daut foaken schwoa,
wiels aules emma oaja woat.
Dee well’n opp iernst de Woarheit finj’,
de Lia, waut an woat Hopninj brinj’.
Wäa jeit un brinjt dee Gott sien’ Troost?
Wäa lieet dee, Gott sien Wuat to hool’n?
(3. KUA)
“Har, ekj sie hia! Schekj mie, schekj mie!
Ekj woa de Menschen lier’n von die.
Daut es de jratste Iea fa mie, Har!
Ekj sie hia! Schekj mie, schekj mie!”
(See uk Psa. 10:4; Hes. 9:4.)
