ГИЛИ 75
„Ман бичшал!“
(Исаия 6:8)
-
1. Бут мануша мислинен, кай
е Йеховас кана нанай.
Тай кханиле букя пхенен,
лес бут жестоко икален.
И истина кой ка мангел
е манушенге те пхенел?
(ПРИПЕВИ 1)
Йехова, ме мангав те жав
тай туке слава те анав.
За манге чест бари си, Девла.
Ман бичшал, те жав мангав.
-
2. „О Дел на хал холи“ пхенен,
те пенжарен тут на манген.
Он тутар нисар на лажан,
таро мануш по-бут даран.
Кой ленге смело ка пхенел,
о крайос сиго кай авел?
(ПРИПЕВИ 2)
Йехова, ме мангав те жав
и истина те шунярав.
За манге чест бари си, Девла.
Ман бичшал, те жав мангав.
-
3. Иси лачше-да мануша,
ко светос циден бут дукха.
Пхаро си ленге тай манген
спокойствие те аракхен.
Кой лен ка жал те сикавел,
утеха ленге те анел?
(ПРИПЕВИ 3)
Йехова, ме мангав те жав
тай е лачшен те сикавав.
За манге чест бари си, Девла.
Ман бичшал, те жав мангав.
(Дикх също Пс. 10:4; Езек. 9:4.)