GHILI 75
„Ita-ma! Bișial-ma!”
-
1. Le manușa anen lajiav
pe le Devlesco sfânto-anav.
‘Că si covlo, că na-i ciacio’,
cadea phenel codo dilo.
Con jial o ‘nav te ujiarel
hai le Devles te așarel?
REFRENO 1
‘O Devla, ita-ma! Me jiav!
Chio cuci anav te așarav.
Anda mande bari pachiv si.
Devla, bișial-ma! Me jiav!’
-
2. Si manușa cai ci pachian.
Le Devlestar von ci daran.
Len si len vi mai but Devla,
angla save von den cianga.
Con va cherela prinjiando
lengo sfârșito jungalo?
REFRENO 2
‘O Devla, ita-ma! Me jiav!
Phenav lenghe bi te darav.
Anda mande bari pachiv si.
Devla, bișial-ma! Me jiav!’
-
3. Si manușa cai but roven
cana nasulimos dichen.
Len si len iech ilo lașio.
Roden o ortomos ciacio.
Con ajutil le manușen
o ciacimos te arachen?
REFRENO 3
‘O Devla, ita-ma! Me jiav!
Le manușen te sicavav.
Anda mande bari pachiv si.
Devla, bișial-ma! Me jiav!’
