NDZIMO 75
“Nyi womo avba. Nyi rume.”
(Isaya 6:8)
-
1. Muhuno vathu nya vangi
Va ngu vala Nungungulu
Khavo a vivbide monyo,
Kha khathali, mwalo tshivba.
A na emedwa khu mani,
A rungudza lina laye?
(KORU 1)
“Nyi womo avba. Nyi rume.”
Nyi na gu zundza Jehovha.
Lithomo gu rungudza Pfhumu.
Nyi womo. Ruma eni!
-
2. Kha va thavi Nungungulu,
Vambe kha va khodwi gwaye;
Va gu khozeya sithombe,
Va landriseya dzithomba.
Va na tiviswa khu mani
Mhango yi na va teyago?
(KORU 2)
“Nyi womo avba. Nyi rume.”
Nyi na va tivisa mhango.
Lithomo gu rungudza Pfhumu.
Nyi womo. Ruma eni!
-
3. Vathu nya myonyo nya yadi
Va ngu garadzega ngudzu,
Khu guvivba gu tadego.
Vo vbweta guti lisine.
Va na ya phaswa khu mani
Gu mana guthaveledwa?
(KORU 3)
‘Nyi womo avba. Nyi rume’
Gasi nyi ya va hevbudza.
Lithomo gu rungudza Pfhumu.
Nyi womo. Ruma eni!
(Wona Ndzi. 10:4; Ezek. 9:4.)