PIREKUA 75
“¡Ixú jarhaska, jíndeni axa!”
(Isaías 6:8)
-
1. Kʼuiripu iásï no janhanharsïndi
Tata Jeobaeri arhinhakuani.
Ka máruksï no jakajkusïndi
oksï uandani eska no uékpitiska.
¿Né uéksïni pímbinhajkuntani?
¿Né imeri ambe niua uandani?
(KORU 1)
“¡Ixú jarhaska, jíndeni axa!
Niuaka uandantani chíti ambe.
Jeoba, para jí kʼéri kóntperatesti.
Ji niuaka, jíndeni axa”.
-
2. Kʼuiripu uandasïndi eska Jeoba
jukari kánikua ióndaxaka,
diosï úkatechanksï kómarhiani
ka Sésarinksï kʼéri ambe arhini.
¿Né aiangua imani enga no sési újka
Tata Jeobaeri jurhiatikueri?
(KORU 2)
“¡Ixú jarhaska, jíndeni axa!
No chéparini aianguaka ji.
Jeoba, para jí kʼéri kóntperatesti.
Ji niuaka, jíndeni axa”.
-
3. Imecha engaksï kaxumbitiika
kómu atsïkuarhexatiksï xú.
Mintsita jingonksï uékaxati
eska pínandikua jauaka ixú.
Kaxumbiti jingoni ¿né niua?
¿Né arhistakua Jeobaeri ambe?
(KORU 3)
“¡Ixú jarhaska, jíndeni axa!
Arhistakuaka kaxumbitini.
Jeoba, para jí kʼéri kóntperatesti.
Ji niuaka, jíndeni axa”.
(Ístu exe je Sal. 10:4; Ezeq. 9:4).
