KWI 76
“Ke zʼo tshwèt njuʼ ntùm ntù o à?”
-
1. Ke zʼo tshwèt njuʼ ntùm ntù o
Ngelañ zʼo tshwèt nsoñ Ntshob Nsi,
Ngelañ zʼo lèn mbʼo kagtùn
Nekwag ntù mèn nenùne?
Nelèn mbʼo fà wut fa;
Nsi ndùb aʼ ghù zʼa tùʼ là.
A lèn ntù ba diag nenùne
Ben bo tshwèt nkô i là.
(DÙʼ NEBWÔGDE)
A tsiañde yàme, a tsiañde ndùb,
Nefà ntù yag, nze yag, Nsi yag.
Ntàm nkub ntshu mag tshwèt mfà ghamde
Yaweh Nsi yag njoñ léʼ.
-
2. Ke zʼo tshwèt njuʼ ntùm ntù o
Ngelañ ntshob mu tshwèt nsoñde
Benntùn tse ntù tshob tsin nà
Ngù nzi num yôg matmat?
Bwoñ benntùn tshwèt ntaʼ ben,
Tsemoʼ gwù ntùm ywiʼ ghamfùm.
Là be tsiañ neket lén Nsi
Mbèn nèn mbwe nkwé nta mi.
(DÙʼ NEBWÔGDE)
A tsiañde yàme, a tsiañde ndùb,
Nefà ntù yag, nze yag, Nsi yag.
Ntàm nkub ntshu mag tshwèt mfà ghamde
Yaweh Nsi yag njoñ léʼ.
-
3. Ke zʼo tshwèt njuʼ ntùm ntù o
Nelèn mbe Nsi tshwèt ntshùbtʼo,
Mbèn ndèn mbʼa yi bèn mfà faʼ
Ze be tshwèt ntsiañ nefaʼ?
Be tshwèt nsoñ, mbèn ntswide,
Bo ntshob fiag wut zʼa dùmde,
Ndiag ben tse ntù tshob tsin nà;
Tshù faʼ tùʼ nemi mba.
(DÙʼ NEBWÔGDE)
A tsiañde yàme, a tsiañde ndùb,
Nefà ntù yag, nze yag, Nsi yag.
Ntàm nkub ntshu mag tshwèt mfà ghamde
Yaweh Nsi yag njoñ léʼ.
(Mbèn ndôde Mfaʼ Gha. 13:48; 1 Tés. 2:4; 1 Tim. 1:11.)
