SONG 76
How You Goin Feel Inside?
-
1. How you goin feel inside
wen you preachin all da time,
Wen you kno you did your share
fo reach one heart dat kea?
You kno you give your bes
an Jehovah do da rest.
God stay lookin hard fo find
peopo fo be his guys.
(CHORUS)
We stay so stoked, jus so happy
fo go all out wen we go preach.
Make shu-a wat we do an say
sho love fo God all day.
-
2. How you goin feel inside
wen you go all out fo find
An help ones wit good kine heart
fo get da real kine life?
Some no like wat we say,
odda ones wen stray away.
Still yet we like be his guys
rep his name all da time.
(CHORUS)
We stay so stoked, jus so happy
fo go all out wen we go preach.
Make shu-a wat we do an say
sho love fo God all day.
-
3. How you goin feel inside
wen you kno God by your side,
Dat Jehovah wen trus you
fo do da work we do?
Wen we talk we no sked,
sho respeck fo ones out dea.
We go look fo peopo now
cuz soon dis work goin pau.
(CHORUS)
We stay so stoked, jus so happy
fo go all out wen we go preach.
Make shu-a wat we do an say
sho love fo God all day.
(See also J. Guys 13:48; 1 Fo Tess. 2:4, 1 Fo Tim. 1:11)
