KʼAAY 77
Juulnak le sáasil teʼ éeʼjochʼeʼeniloʼ
-
1. Jach nojoch éeʼjochʼeʼenil yaan
ichil le kuxtalaʼ.
Baʼaleʼ jach tsʼoʼok u káajal xan
u juul u sáasil Dios.
(CORO)
Kex jach éeʼjochʼeʼeneʼ
táan u yilaʼal bix u juul
u sáasilil Jéeoba.
Taʼaytak xan u sáastal,
kʼaʼabéet k-tsʼáaik k-óol tiaʼal k-bisik
u Tʼaan Jéeoba.
-
2. Jach unaj k-kaʼansik máax minaʼan
ichil le sáasilaʼ.
Koʼox ilik k-áantik sáamsamal.
¡Naatsʼ u kʼiinil Jéeoba!
(CORO)
Kex jach éeʼjochʼeʼeneʼ
táan u yilaʼal bix u juul
u sáasilil Jéeoba.
Taʼaytak xan u sáastal,
kʼaʼabéet k-tsʼáaik k-óol tiaʼal k-bisik
u Tʼaan Jéeoba.
(Ilaʼak xan Juan 3:19; 8:12; Rom. 13:11, 12; 1 Ped. 2:9.)
