1. Be nga be kle Ɲanmiɛn i ndɛ’n,

Be di aklunjuɛ dan.

I sɔ’n su ye nga e ɲɛn i’n

Ɔ le’a wunsu mlɔnmlɔn.

E yo kɛ Ɲanmiɛn i Wa’n sa,

E kle kɛ e klo sran.

Be nga mɔ e kle be like sɔ’n

Be mantan Ɲanmiɛn Kpli.

2. E mɔ e kle Zoova i Ndɛ’n,

E nian nun yo sa kpa,

Naan be wun kɛ e di nanwlɛ

Ɲanmiɛn ndɛ kanlɛ’n nun.

E niannian Ɲanmiɛn Ndɛ’n nun kpa,

Jasin fɛ kpa o nun.

Ɔ maan e kle sran’m be like kpa

Yɛ e ta e wun wie.

3. Zoova man e like kwlaa nga

E kwla fa kle i Ndɛ’n.

Sɛ e srɛ kɛ ɔ uka e’n,

E si kɛ ɔ́ tɛ́ su.

E klo Ɲanmiɛn i nuan Ndɛ’n kpa,

Afin ɔ ti nanwlɛ.

E klo be nga e kle be like’n,

Naan be yo i sɔ wie!