1. Wrth ddysgu eraill am Air Duw,

Llawenydd mawr a gawn.

Gan Dduw cawn fuddion heb eu hail,

A’i fendith a fwynhawn.

Cawn efelychu dull Mab Duw,

 chariad dysgodd ef.

Ein cariad fydd yn helpu eraill

I ’nabod Duw y nef.

2. Wrth ddysgu eraill am Air Duw,

Bydd ein hesiampl dda

O wneud daioni’n dysgu gwers

O les, hir ei pharhad.

Gwneud diwyd ymchwil byddwn ni

I gadw at y gwir.

Ac o drysordy ein calonnau

Dysgeidiaeth gânt sy’n bur.

3. Er mwyn bod yn athrawon da,

Gan Dduw cawn ysbryd glân.

Os gofyn wnawn, a chyson yw

Â’i fwriad, gwrando wna.

 chariad, dysgu wnawn Gair Duw,

A charu wnânt y gwir.

Myfyrwyr Gair Duw heddiw fydd yn

Athrawon cyn bo hir!