MWENGE 78
“Lee̱ Eyal’a Loba”
-
1. Ba ba mokwe̱le̱ Eyala
Be mutam, muńe̱nge̱.
Minam di matombwane̱no̱
Mi si be̱n eme̱ne̱n.
Di membilan Mun’a Loba
Ńokwe̱le̱ na ndolo.
Di mongwane̱ ba ba mokwe̱ o
Po̱ be̱be̱ na Loba.
-
2. Biso̱ balēdi b’Eyala
Di bole nje e te̱m.
Di be̱ eyembilan a bwam.
Di dangwe o mwe̱ne̱n.
Di lange Eyal’a Loba
O so̱ mwe̱ndi mao.
Ná jokwe̱le̱ so̱ bape̱pe̱ na
Biso̱me̱ne̱ mun m’bwaṅ.
-
3. Di be̱n me̱se̱ ma mapule̱
O lee̱ Eyala.
Jakwane̱ te̱ mo̱ jongwane̱,
Loba a masenga.
Di to̱ndi Eyal’a Loba;
Di bi ná ye mbale̱.
Bandolo di mokwe̱le̱no̱ pe̱,
Ba mabe̱ balēdi.
(Ombwa pe̱ Mye. 119:97; 2 Tim. 4:2; Tito 2:7; 1 Yohane 5:14.)
