1. Ein lærari í orði Guds

kann gleðast um sín lut;

øll elska vit tær løturnar,

vit læra fólk um Gud.

At taka eftir Jesusi

og leggja hjartað í

kann draga eyðmjúk til Jehova,

sum ger tey bundnu frí.

2. At liva rætt og elska Gud

má vera fyritreyt,

um tú vilt beina onnur inn

á lívsins góðu breyt.

Guds orð er sum eitt gripasavn,

eitt nám, vit grava í,

so tey, vit læra, fáa vísdóm

og trúgv um somu tíð.

3. Jehova Gud er altíð við,

hann gevur okkum skil;

so víst hann hoyrir hjartans bøn

og fegin hjálpa vil.

Vit elska alt í orði Guds

um rættan kristnan sið

og gleðast øll, um tey, vit læra,

skjótt læra onnur við.