1. Cov lus no yog hais rau cov ntseeg,

Niaj hnub mus qhia tibneeg.

Nej rau siab ntso mus tshaj mus qhia,

Kom neeg muaj chaw cia siab.

Yexus yog tus cob qhia txhua tus,

Kom txawj sib hwm sib hlub.

Cov nyiam Vajtswv thiaj li yoog tau nws,

Thiab los pe hawm nws xwb.

2. Nej yog cov paub Vajtswv Txojlus,

Txhob xyaum ntau xaiv ntau lus.

Nco ntsoov xyaum ua qhov ncaj qhov yog,

Vajtswv thiaj mloog nej thov.

Kav tsij xawb nrhiav Vajtswv Txojlus,

Txhua kem mus rau txhua ntu.

Nej thiaj paub nyeem tuj taws rau neeg mloog,

Kom lawv thiaj paub ua zoo.

3. Vajtswv Yehauvas qhia txhua yam,

Kom piav txog nws li cas.

Yog muaj qhovtwg tseem paub tsis tshab,

Los cia li thov nws pab.

Nws Txojlus khi rawv nej nplooj siab,

Nws tej lus yeej muaj tiag.

Nco ntsoov mus pab kom tau cov tibneeg,

Nej qhia los nrog nej ntseeg.