ចម្រៀងលេខ៧៨
ចូរ«បង្រៀនពួកគេអំពីបណ្ដាំរបស់ព្រះ»
(សកម្មភាព ១៨:១១)
-
១. អស់អ្នកបង្រៀនពីបណ្ដាំព្រះ
មានអំណរច្រើនកន្លង
យើងទទួលប្រយោជន៍ច្រើនអស្ចារ្យ
ដែលគ្មានអ្វីប្រៀបបានផង
បុត្រព្រះបង្រៀនដោយក្ដីស្រឡាញ់
យើងធ្វើតាមឥតងាកបែរ
កាលយើងបង្រៀនពួកអ្នកដែលយើងជួយ
ឲ្យចូលជិតព្រះផងដែរ។
-
២. អស់អ្នកបង្រៀនពីបណ្ដាំព្រះ
ប្រព្រឹត្តល្អយ៉ាងខ្នះខ្នែង
មនុស្សឃើញយើងមានចិត្តស្មោះសរ
ឃើញពន្លឺព្រះចាំងចែង
យើងព្យាយាមសិក្សាបណ្ដាំព្រះ
ព្រោះមានដំណឹងបវរ
នោះយើងអាចប្រាប់អ្វីល្អពីចិន្ដា
ហើយបង្រៀនខ្លួនបានល្អ។
-
៣. យើងបង្រៀនពីបណ្ដាំវិសេស
ព្រះឲ្យអ្វីយើងត្រូវការ
បើយើងអធិដ្ឋានសុំជំនួយ
ព្រះនឹងជួយយើងមិនខាន
យើងស្រឡាញ់បណ្ដាំលោកក្រៃលែង
គ្រប់ពាក្យគឺពិតថ្លាថ្លៃ
កាលយើងស្រឡាញ់ជនដែលយើងបង្រៀន
គេនឹងបង្រៀនផងដែរ!
(សូមពិនិត្យបន្ថែម ចសព. ១១៩:៩៧; ២ធី. ៤:២; ទីត. ២:៧; ១យ៉ូន. ៥:១៤)
