1. Sẽn zãmsd-b nebã Wẽnd Gomdã

paamda sũ-noog wʋsgo.

Bark nins tõnd sẽn paamdã yɩɩda

tõnd meng sẽn da tẽedã.

A Zeezi ra nonga nebã

tõnd me maanda wa yẽ.

Tõnd sẽn zãmsd-b rãmbã tõe n paama

zood ne b saasẽ Ba wã.

2. Tõnd sẽn zãmsed nebã yĩnga,

bɩ d tall man’sem sõngo.

Rẽ nebã fãa na n bãngame

tɩ d sɩd tũuda Wẽnnaam.

D zãmsda Wẽnd Gomdã sõma,

n bãnged bũmb wʋsgo.

A goamã sã n kẽ d sũurã

d na n tõog n zãmsa nebã.

3. Wẽnd kõt-d-la d sẽn datã fãa,

nebã zãmseg yĩnga.

Dẽnd d sã n pʋʋs-a n kos sõngre,

a na n deega d kosgã.

Tõnd nonga Wẽnd Gomdã wʋsgo.

A goamã yaa sɩda.

D nong d Biiblã karen-biisã,

tɩ rẽ la d na n sõng-ba.