1. De Menschen Gott sien Wuat to lier’n,

daut jeft ons groote Freid.

Jehova sitt un säajent daut,

waut jieda eena deit.

Wie well’n biem lier’n soo’s Jesus senn’:

jeduldich un voll Leew.

Wäa horcht, dän halp wie, Gott to leewen,

am uk met Freid to deen’.

2. Wie well’n een goodet Väabilt senn’

en aules, waut wie doon’,

daut aule seen’: Waut wie an lier’n,

daut well wie selfst uk hool’n.

Wäa aundre von de Bibel lieet,

dee mott sikj selfst uk lier’n.

Ons Hoat un Senn woat voll met goodet

derch läsen un studier’n.

3. Aus Liera froag wie Gott no Help;

hee jeft ons, waut ons fält:

Hee lieet ons ut un jeft ons Krauft;

sien heilja Jeist deit väl.

Soo lia wie wieda Gott sien Wuat

un doon’, soo väl wie kjenn’.

Met Leew un Help woar’n Bibelschiela

dan selfst boolt Liera senn’.