URURIRIMBO RWA 78
‘Twigishe Ijambo ry’Imana’
-
1. Barya bigisha rya Jambo,
Bahisemwo neza.
Turonk’ivyiza ntangere
Bitunezereza.
Twigana Yezu mu kwama
Turyigish’icese.
Twigishije turiyegereza
Data wa twese.
-
2. Twebwe abigisha baryo
Twama twigorera
Gukor’ibigororotse
Bakavyibonera.
Ducukuye turumv’ivyo
Ryo rituyagiye,
Tukigish’abandi na twebwe
Tutiyibagiye.
-
3. Kugira ngo turyigishe
Yehova ntabura
Kuduh’ivyo tumusaba
Kukw’abitahura.
Ibiri mw’Ijambo ryiwe
Biradushimisha.
Dukunz’abo twigisha na bo
Bazob’abigisha.
(Raba kandi Zab. 119:97; 2 Tim. 4:2; Tito 2:7; 1 Yoh. 5:14.)
