1. Xoossaa Qaalaa tamaarissiyay,

Ufayttiyoobay deꞌees.

Nuuni demmiyo anjjuwaa gakkiya

Aybinne deꞌenna.

Xoossaa Naꞌaa kottiyaa kaalloos

Adan asaa siiqoos.

Nu yaati maaddiyo asatikka

Xoossaakko shiiqana.

2. Yihoowa Qaalaa yootiyo gishshawu,

Suure daanawu genccoos,

Xoossaa pooꞌuwaa nu bessiyoode

Asawu tumay qonccees.

Xoossaa Qaalaa minni pilggoos,

Yootiyoobay an deꞌees.

Nu wozanan wottobaa yootoos

Nuuyyookka tamaaroos.

3. Alꞌꞌo Qaalaa yootiyo eraa

Yihooway nuussi immees.

Maaddana mala a woossin,

Siyanaagaa eroos.

Xoossaa Qaalay tuma, eroos;

He Qaalaa nu siiqoos.

Maaddiyo urakka siiqiyo wode,

Ikka oosuwaa doommees!