KʼAYOJIL 79
Junuk yoʼtan akʼa yakʼ sbaik
-
1. Snojptesel te ants winiketik
bayal sbujtsʼ kʼinal ya yakʼ.
Ta patil ya yakʼbeyik yipal,
jun yoʼtan ya yakʼ sbaik.
(ESTRIBILLO)
Awokoluk, jTatik Jehová,
ya jkʼantik ta sbiil Jesús,
iltiklana jujun kʼajkʼal,
koltaylana jich jun yoʼtan ya yakʼ sbaik.
-
2. Spisil-ora la jkʼanbeytik Dios
te yakuk skoltaylane.
La kakʼtik bayal te jtiempotik,
jich ochik ta jnopojel.
(ESTRIBILLO)
Awokoluk, jTatik Jehová,
ya jkʼantik ta sbiil Jesús,
iltiklana jujun kʼajkʼal,
koltaylana jich jun yoʼtan ya yakʼ sbaik.
-
3. Ayukme te smukʼul yoʼtanik
ta Jehová sok ta Jesús.
Teme jun yoʼtan ya yakʼ sbaik,
yame xjuʼ xkolik-euk.
(ESTRIBILLO)
Awokoluk, jTatik Jehová,
ya jkʼantik ta sbiil Jesús,
iltiklana jujun kʼajkʼal,
koltaylana jich jun yoʼtan ya yakʼ sbaik.
(Kʼoponaxan te Luc. 6:48; Hech. 5:42; Filip. 4:1).
