1. Taʼ baʼ njam moʼ, nzendà nzendà,

Be soñ ntshob Yaweh Nsi.

Ntùm ba ntùsô, boa ba ntañlaʼ,

Nkém njùmbwe Yaweh Nsi.

Mbwô nkùn mbe Nufen Nsi tshwèt ntô,

Mba Kristʼ Yésu kaʼ là,

Ndonni ghuan ben, njwèn benkristô

Tshwèt nsoñ njù sagkuà fa.

2. Taʼ baʼ njam moʼ, nzendà nzendà,

Mbwô nkùn yôg be tshwèt nsoñ.

A bʼa num ben tse bo loʼ mfiʼ

Nebùʼ lén Yaweh Nsi.

Là, boaʼ kuʼni lén Nsi ndùke

Be ze bo keʼ lèn iʼà?

Ntùm njoñ ndà fa, njoñ nzendà fa,

Boaʼ juʼ foñ lén nelàn.

3. Bag bin tum nsoñ nzendà nzendà

Nsa mbwô nkùn num Nufen.

Kà benntùn bam, bo kô bo gha,

Bʼaʼ fañ benntùn loʼ mfiʼ.

Bʼaʼ soñ mba ndaʼ lén Yaweh Nsi,

Ngù bo lèn ze nenùn,

Mba be tshwèt nèn nzendà, nzendà

Bag nsi fon njùmbwe tse.