1. Ta kada puerta o balay,

Mallayyagayya ’tam.

Karneru ni Jah masimmuan

Ta ngamin nga lugar.

Maddaggun nga mammaguray

Pappatulan na Dios.

Yatun i melayyagayya

Ta interu davvun.

2. Mensahe nga makepaliag

Ettam ilammuyag.

Nu ngagan na Dios usadda,

Ay mepaliag ira.

Ngem kunnasi pagagalda

Nu ariadda ammu?

Mawag gafu ituddu tam

I ngagan na Dios tam.

3. Umay ’tam ta kada balay,

Ngamin layyagayyan.

Ira lapa i mappili—

Magginna o ari.

Importante kinagi tam

Ngagan ni Jehova.

Mallallappo ittam nakuan,

Karneru alegan.