1. Di Kristiyan dem fram wie bak wen

Did priich fram ous tu ous.

An nou wi du siem wie laik dem

An spred Jeuova Wod.

Wi go aal bout an tiich di chuut

Se Jiizas Krais a ruul.

So man an uman, yong an uol,

A priich di Kindom nyuuz.

2. Gad pramis se di piipl dem

Uu lov im an im niem,

Uu shuo rispek an kaal pan im—

A dem a-go get siev.

Bot ou dem gweehn rispek im niem

Ef dem no nuo bout im?

So mek wi go a evri ous

Go tel dem bout wi King.

3. Wen taim wi go a evri duor,

Wi Gad, Jeuova, pliiz

Kaaz evribadi get di chaans

Fi ier di nyuuz wi priich.

A dem chuuz ef dem waahn sorv Ja;

Wi naa fuos dem fi dwi’it.

Wi go fram ous tu ous an fain

Jeuova likl shiip.