1. Hisi di niñil hi yôni ni béba,

Inyule bôt ba nhôya Djob.

I mbéda maéba ’nyu tat mabal més;

Tiga le di nyodi ’njel Djob.

Makoda ma nti bés hogbe ni botñem;

Ma nti ki bés hémle i ngui.

Minkwel mi ntinde i boñ minson minlam,

I noñ njel lam, mi nti bés ngui.

Di ga hôya bé mambén ma Yéhôva;

D’a boñ sômbôl yé hi ngéda.

Makoda ma niiga bés njel i téé sép,

Lôñni gwéha ’nyu maliga.

2. Yéhôva a nyi mam ma kôli ni bés;

Di nlama emble matiñ mé,

Di somb ngéda le di tôl bañ makoda,

I emble pék, ni Bañga yé.

Di nkôs maéba malam ni njel mimañ,

Le di yi unda hémle yés.

Lihaa li hémle li nit bés ni gwéha,

Di nyi le li ga tjôô bé bés.

Mangéda malam ma yé bés i bisu,

Jon di nkodba ni bôt di ngwés.

I makoda, di nigil lelaa di niñ

Ni pék i Djob inyu nseñ wés.