1. Huling dai aram an dalan nin Diyos,

Nalagalag an kinaban.

Kaipuhan ta an tamang paggiya,

Sadiri dai sarigan.

An pagtiripon nakakarepresko;

Pamparigon sa pagtubod.

Nagpapahirong gumibong marahay

Asin nakakapakusog.

Mga pagbuot kan Diyos na Jehova

Gustuhon niyatong sunudon.

An katotoohan nanunudan ta

Sa satuyang pagtiripon.

2. Aram nin Diyos pangangaipo niyato,

Kaya pirmi siyang dangugon.

Kun nagtitiwala kita saiya,

Pagtiripon iinuton.

Tinutukduan kita diyan kun pa’no

Ipahiling pagtubod ta.

Dai ta mamamating nagsosolo

Huling tugang masuporta.

Mantang halat an maugmang paglaom,

Nakikipagtipon kita.

Diyan nanunudan na ikapamuhay

Kadunungan ni Jehova.