1. Twikala mu calo na bantu babi

Abashatemwa Yehova.

Tulakabila ubutungulushi

Pa kuti tucingililwe.

’Kulongana kulatusansamusha;

Kukoshe citetekelo,

E ko batucincisho kulabomba

Imilimo iisuma.

Tatusuula ifyo Lesa atweba;

Tulacite fyo afwaya.

Ku kulongana tulasambilile

Filenga tutemwe cine.

2. Yehova ’lishibe fyo tukabila;

Tufwile ukumumfwila.

Ilyo tulesangwa mu kulongana

Tulange citetekelo.

’Lyo bamunyinefwe baletufunda,

Tucite fyo Lesa ’fwaya.

Twalishiba ’ti tatwaba fye fweka,

Twaba na ba bwananyina.

Ilyo tulepembele calo cipya,

Twakulalongana lyonse.

Ku kulongana tulasambilila

Mano yafuma ku muulu.