1. Te ’mwa nibun wa bibiodẹ vb’agbọn na;

Iran ma rẹn od’ọgh’Osa.

Sokpan ma ni khian vb’odẹ ọgh’ẹmwata,

Ukpow’e Kristi ma lele.

Iko ọghomwa rhi’ ’rọkhegbe n’ima,

Ọ vbe y’ima mw’ayayẹro.

Ma keghi hẹnmwẹ nọ rhi’ ’giọdu n’ọmwa,

Nọ gu’ọmwa kpa ya ruemwiesi.

Ẹmwẹ ọgh’adia n’ima họn vb’ẹghẹ hia,

Ma keghi rhiẹre y’uyinmwẹ.

Iko ọghomwa wa ruiyobọ n’ima;

Ọ keghi kuima hia kugbe.

2. Jehova wa gual’umamwẹ ọgh’ima;

Gia gha rhi’ẹmwẹ ọghẹe ye ’khọe.

Ọ khẹke n’ima gha y’iko vb’ẹghẹ hia,

Adia nọ k’ob’Osa rre nọ.

Ibude ne ’diọn rhie n’ima vb’ẹghẹ hia,

Keghi rhi’ẹwaẹn nọkhua n’ima.

Ma vbe mi’ ’yobọ vb’ob’etẹn ọghomwa,

Iran keghi mudia n’ima.

Gima gha y’egbe rhorh’etẹn ọghomwa

Vb’ẹd’okiekie na wa ye na.

Iko ọghomwa n’ima yo vb’ẹghẹ hia

Keghi wa y’ima sọyẹnmwẹ.