KWI 87
Seʼe! Njuʼ fide
-
1. Bag bin bʼa ntùm njù zʼa dun bo tshùagkèt ben;
Bo keʼ be bam manze Nsi ben.
Bag bin keʼ kuʼni neyen nze yôg matmat,
Be ze Nsi keʼ tshagde nku ben.
Ntseʼde tshwèt nso kù, mfà nywinde, mfide ntù;
Njwimde ben nekwiʼde bamntù.
Ntshùade njam ntshob tsʼa num ntèn ben neze ntag,
Bag bin tshwèt nèn mbwe bo neta.
Bag bin ke nsi lagde ba ntshùʼ Yaweh Nsi;
Ze nekô bʼa nzi ben ze ndùb.
Ntseʼde tshwèt ntswide ben neghù nunetsin
Nkwiʼde zebe nkôni nenùn.
-
2. Yaweh Nsi lèn ju zʼa bwoñ ben nà ntshùa ben;
Ntag mi ke ju netshùb fimbu.
Netshuʼ ngelañ mbe yu ntùm ntseʼde fètfèt
Bʼa zenu bo nkôni Ntshob mi.
Ntshùade njam ntswide tsʼa fe ghatshagde ben,
Ntàmtù zebe bamntù boaʼ yen.
Ntùm njù sagkuà fèt ben tshwèt nso kù num ben,
Be lèn mbe be keʼ bʼa tùʼ ben.
Be tshwèt mbe béb ngelañ ntùn zʼa tshwèt nseʼ là
Nke ntseʼde boa shun nunetsin.
Ntùm ndà ntseʼde, bag bin aʼ ziʼde neyôg
Bo zenu zʼa fe kamànyam.
(Mbèn ndôde Yobk. 37:18; 140:1; Tànk. 18:1; Ef. 5:16; Yako. 3:17.)