1. Dis werl weh wi liv eena owta kanchroal

ahn peepl noh lisn tu Gaad.

Soh wee need inschrokshanz fi help wi du rait

kaaz pahn wi oan ih wahn tu haad.

Wi meetin dehn help wi fi bil op wi fayt,

dehn help wi fi du weh Gaad waahn.

Di tingz weh wi laan toch wi haat ahn wi main,

dehn gi wi di schrent fi goh aan.

Wi lisn ahn laan ahn wi neva giv op

er stap du weh Jeezas koman.

Jehoava di teech wi fi stik tu weh rait,

fi du gud, ahn fi tek wahn stan.

2. Di kongsl wi need ahn di komfert wi waahn,

Jehoava provaid chroo ih Werd

da aala di meetin ih servant dehn gat,

weh tek plays aal oava di ert.

Wi tek een di spirichwal food weh hihn giv;

Ih aalwayz provaid it tu taim.

Ahn shepadz ahn teechaz tek kayr a di flak,

sopoat wi, ahn stay bai wi said.

Soh az wi luk faawod tu sweet Paradais

ahn blesinz weh Gaad pramis wee,

wi luk tu Jehoava fi gaidans ahn schrent

ahn stay eena Gaad famili.