1. Sia nónnóm lón ei fénúfan mi ngaw,

Aramas rese silei Kot.

A lamot ngenikich emmwenien Kot,

Ina chék alen ach feiéch.

Ach kewe mwich ra alúkúlúkúkich,

Ámáári ach lúkú lón Kot.

Pesekich le eáni féffér múrinné,

Apworaikich le sópwósópw.

Sisap tunaló án Jiowa allúk,

Sa mochen féri letipan.

Ach kewe mwich ra emmweniéchúkich,

Aseféló ach tongei let.

2. Jiowa a kan silei ach osupwang,

Sipwe rongosich an emmwen.

Akkawora fansoun le fiffiti mwich,

Pwári ach lúkú an Kapas.

Ren emmwenien néún kewe souemmwen,

Sa káit le pwári ach lúkú.

Ren álillisin familien lúkú,

Sa silei pwe ra fitikich.

Sa mwétéresiti fansoun mi éch mwach,

Sipwe chuuri attongeach.

Lón ach kewe mwich sa káé manawéch.

Ren ewe mirit seni Kot.