ANENE 87
Nakomai! Motiki Rawami
-
1. Ti maeka i buakoia aika bua
Ao a aki ataa kawain Iah.
Ti kainnanoa kairara ae riai.
Akea ara konaa iai.
Ti kaungaaki n ara botaki nako,
Bwa ti na onimakinna.
Ti kairaki ni karaoi baika raraoi.
Ti kakorakoraaki iai.
Ti na aki kitan ana tua Iehova.
Ti kan karaoa nanona.
Ti reireinaki n ara botaki bwa
Ti na tangira te koaua.
-
2. E atai baika ti kainnanoi Iehova.
Ti na ongo n ana reirei.
Ngkai ti kabonganai raoi ara tai,
E oti bwa ti wanawana.
Ti butimwaea aia reirei mwaane
Ake a mamaaka Iehova.
Man aia boutoka naba tarira
Ti a nora tangirara.
Ti kariai taai aika raraoi riki
N noriia ake a mate.
Ti na reireinaki n ara botaki
Aroni maiura ae riai.
(Nora naba TaiAre. 37:18; 140:1; TaeRab. 18:1; IEbe. 5:16; Iak. 3:17.)